माझ्या आयुष्याची दिशा कोण ठरवतं?

एक दिवस एका वृद्ध माणसाला विचारलं गेलं, “तुमच्या आयुष्यात मनासारखे किती जगलात?” तो हसला आणि म्हणाला, “मनासारखे जगलोच नाही… कारण मी अनेक वर्षं माझ्या आयुष्याचं स्टेअरिंग दुसऱ्यांच्या हातात दिलं होतं.” हे वाक्य ऐकून क्षणभर शांतता पसरली. थोडा विचार करा… तुमचे निर्णय कोण घेतात? लोकांची मतं? कुटुंबाच्या अपेक्षा? समाजाची भीती? परिस्थिती? की तुमची स्वतःची मूल्यं? आपण खरंच आपलं आयुष्य जगतोय का? अनेक लोक स्वतःचं आयुष्य जगत नाहीत. ते इतरांना आवडेल असं आयुष्य जगतात. लोक काय म्हणतील म्हणून शिक्षण निवडतात. लोक काय म्हणतील म्हणून नोकरी करतात. लोक काय म्हणतील म्हणून नातं टिकवतात. आणि शेवटी… लोकांसाठी जगताना स्वतःला हरवून बसतात. कधी कधी आपण स्वतःच्या इच्छांपेक्षा इतरांच्या अपेक्षांना जास्त महत्त्व देतो. हळूहळू आपले निर्णयही आपले राहत नाहीत. आपण “मला काय हवं आहे?” यापेक्षा “लोकांना काय योग्य वाटेल?” हा प्रश्न विचारायला सुरुवात करतो.

आयुष्याचं स्टेअरिंग कोणाच्या हातात आहे? लक्षात ठेवा— “जर तुम्ही तुमच्या आयुष्याची दिशा ठरवली नाही, तर परिस्थिती ती ठरवेल.” वादळ आलं म्हणून जहाज बुडत नाही. जहाजाचं स्टेअरिंग सोडलं की ते भरकटतं. आयुष्याचंही तसंच आहे. परिस्थिती कधीच कायमची आपल्या बाजूने नसते. लोकांची मतंही सतत बदलत राहतात. पण तुमची मूल्यं, तुमचं ध्येय आणि तुमचे निर्णय हेच तुमच्या आयुष्याला दिशा देतात. स्वतःला हा एक प्रश्न विचारा प्रत्येक सकाळी स्वतःला विचारा— “आज मी माझ्या ध्येयाच्या दिशेने चालतोय, की फक्त परिस्थिती मला जिथे नेईल तिथे जातोय?” हा एक प्रश्न तुमच्या प्रत्येक दिवसाला अर्थ देऊ शकतो. कारण जेव्हा आपल्याला आपली दिशा माहीत असते, तेव्हा प्रत्येक छोटं पाऊलही महत्त्वाचं ठरतं.

“आयुष्याचं स्टेअरिंग परिस्थितीच्या हातात देऊ नका; तुमची मूल्यं, तुमची ध्येयं आणि तुमचे निर्णय यांच्याच हातात तुमच्या आयुष्याची दिशा द्या.”

– The Growth Lab

आयुष्याची दिशा रोजच्या निर्णयांनी ठरते

🌸 त्यांच्या शब्दांत

सौ. दीपिका भगत भोईर

“नवनाथ सरांच्या वर्कशॉप्समधून मला केवळ नवीन गोष्टी शिकायला मिळाल्या नाहीत, तर स्वतःकडे आणि आपल्या कामाकडे पाहण्याचा एक नवीन दृष्टिकोन मिळाला.”

मी आतापर्यंत नवनाथ वाघ सरांचे ऑनलाइन आणि ऑफलाइन असे एकूण ९ वर्कशॉप्स अटेंड केले आहेत. प्रत्येक वर्कशॉप खूपच छान, प्रेरणादायी आणि शिकण्याचा सुंदर अनुभव देणारे होते.

नवनाथ सर प्रत्येक विषय अतिशय सोप्या आणि प्रभावी पद्धतीने समजावून सांगतात. त्यांच्या बोलण्यातला आत्मविश्वास, अनुभव आणि प्रत्येक गोष्ट समजावून सांगण्याची पद्धत खरोखरच मनाला भावते.

या वर्कशॉप्समधून मला अनेक नवीन गोष्टी शिकायला मिळाल्या. त्याचबरोबर रोजच्या आयुष्यात आपण जाणूनबुजून किंवा नकळत दुर्लक्षित करत असलेल्या अनेक गोष्टींची जाणीव झाली. स्वतःकडे आणि आपल्या कामाकडे पाहण्याचा माझा दृष्टिकोन अधिक सकारात्मक झाला.

सरांचा सकारात्मक दृष्टिकोन आणि मार्गदर्शन माझ्या पुढील वाटचालीसाठी नक्कीच प्रेरणादायी आहे. हे वर्कशॉप्स माझ्यासाठी शिकण्याचा आणि स्वतःमध्ये सकारात्मक बदल घडवण्याचा सुंदर प्रवास ठरला.

मनापासून धन्यवाद नवनाथ वाघ सर! 🙏

— सौ. दीपिका भगत भोईर